logo

,,ფერმერთა სკოლის” სართიჭალის ფილიალის სტუდენტებისთვის ჩატარდა ტრენინგი: ,,კატასტროფების რისკის შემცირება და მართვა“

2018 წლის 17 მაისს, ,,ფერმერთა სკოლის” სართიჭალის ფილიალის სტუდენტებისთვის ჩატარდა ტრენინგი: ,,კატასტროფების რისკის შემცირება და მართვა“ . ორგანიზაცია ,,გარემო და განვითარების“ წარმომადგენელმა, ნოდარ თხელიძემ, განიხილა ბუნებრივი კატასტროფების რისკების მართვისა და შემცირების საერთაშორისო მიდგომები: რისკის შეფასების ძირითადი კონცეფციები, კლიმატის ცვლილება და ბუნებრივი საფრთხეები.

მიღება მებოსტნის მესამე საფეხურის პროფესიულ პროგრამაზე

პროფესიული კოლეჯი „ფერმერთა სკოლა“ აცხადებს მიღებას მებოსტნის მესამე საფეხურის პროფესიულ პროგრამაზე. პროგრამაზე სწავლა უფასოა, კურსდამთავრებულზე გაიცემა სახელმწიფო დიპლომი. სწავლის ხანგრძლივობა შეადგენს 5 თვეს.
დაინტერესებულმა პირებმა 2018 წლის 14 მაისამდე უნდა წარმოადგინონ ჩასარიცხად საჭირო შემდეგი დოკუმენტაცია:
ა) ერთი ფოტოსურათი;
ბ) განცხადება;
გ) საბაზო/საშუალოან განათლების დამადასტურებელი სხვა დოკუმენტი;
ე) პირადობის დამადასტურებელი დოკუმენტის ასლი;

სასწავლო ექსკურსია წილკანში

2018 წლის 4 მაისს, ,,ფერმერთა სკოლის “სართიჭალის ფილიალის სტუდენტები, სოფლის მეურნეობის სამეცნიერო კვლევითი ცენტრის ერთწლოვანი კულტურების წილკნის საკვლევ- სადემონსტრაციო ბაზაზე იმყოფებოდნენ. მომავალი ფერმერები  გაეცნენ  ბოსტნეულის მყნობის ახალ ტექნოლოგიას, რომელიც მნიშვნელოვანია ბოსტნეულის მწარმოებელი ფერმერებისათვის, რაც უშუალოდ მავნებელ დაავადებებთან ბრძოლაზე და პროდუქტიულობის ზრდაზე აისახება.

,,ფერმერთა სკოლა“ სტუმრად მინსკის დღეებზე

2018 წლის 22 მარტს, სასტუმრო ქორთიარდ მარიოტში, საქართველო-ბელარუსის ბიზნეს-ფორუმი გაიმართა. 
ფორუმის ფარგლებში, ქალაქ მინსკის აღმასრულებელი კომიტეტის და თბილისის მერიის ორგანიზებით მოეწყო სექცია -,,თანამედროვე მინსკი და თბილისი“, რომელზეც სტუმრად მიწვეული იყო საქართველოს საპატრიარქოს საქველმოქმედო ფონდ ,,ლაზარეს“ მიერ დაფუძნებული ,,ახალი პროფესიული კოლეჯი“ და ,,ფერმერთა სკოლა“. სექციაზე წარმოდგენილი იყო სხვადასხვა თემატიკა : თბილისისა და მინსკის ეკონომიკა, ტურიზმი, საკვები მრეწველობა (მათ შორის სოფლის მეურნეობის) და სხვა.