logo

25 ოქტომბერი, 2016 წელი

2016 წლის 25 ოქტომბერს, შვეიცარიული ორგანიზაცია HEKS-EPER- ის რეგიონალური პროექტების კოორდინატორი სოფელ სართიჭალის ,,ფერმერთა სკოლას“ ეწვია, რომლის მიზანი იყო სოფლის მეურნეობის ახალი პროექტის მონიტორინგი. ბატონი მარკ ზოსი შეხვდა ფონდის დირექტორსა და პროექტის მენეჯერს

22-23 სექტემბერი, 2016 წელი

2016 წლის 22-23 სექტემბერს, გარდაბნის მუნიციპალიტეტის სოფლების სართიჭალასა და მუღანლოს საჯარო სკოლებში
(ხუთი სკოლა), საქართველოს საპატრიარქოს საქველმოქმედო ფონდის ,,ლაზარეს“ წარმომადგენლებმა ჩაატარეს პროექტის პრეზენტაცია, რომლის მიხედვით სართიჭალაში გაიხსნება ნინოწმინდის პროფესიული კოლეჯის ,,ფერმერთა სკოლის“ ფილიალი, სადაც დაინტერესებული ახალგაზრდები შეისწავლიან შემდეგ სპეციალობებს: ფერმერი, მეფუტკრე, მესაქონლე, მებოსტნე და მეხილე. სასწავლო კურსი მოიცავს თეორიულ და პრაქტიკულ მეცადინეობებს, ტრეინინგებს, ფაკულტატიურ ლექციებსა და სასწავლო ექსკურსიებს დემო ფერმებში. მომავალი ფერმერები მიღებული ცოდნის საფუძველზე გააუმჯობესებენ საკუთარ მეურნეობებს, დაიწყებენ პროდუქციის წარმოებას და პროექტის დახმარებით დაამყარებენ კავშირს ბაზართან, საკუთარი პროდუქციის რეალიზაციის მიზნით.

12 სექტემბერი, 2016 წელი

2016 წლის 12 სექტემბერს , საგამოფენო ცენტრში ,,ექსპო ჯორჯია“ სოფლის მეურნეობის სამინისტროს მხარდაჭერით საქართველოს მეფუტკრეთა კავშირის 50 წლისადმი მიძღვნილი საიუბილეო ღონისძიება გაიმართა, სადაც წარმოდგენილი იყო საქართველოს საპატრიარქოს საქველმოქმედო ფონდ ,,ლაზარეს“ პროფესიული კოლეჯის ,,ფერმერთა სკოლისა“ და სასოფლო-სამეურნეო კოოპერატივების მიერ წარმოებული მეფუტკრეობის პროდუქტები. ღონისძიებას სოფლის მეურნეობის მინისტრის მოადგილეები, სოფლის მეურნეობის სამინისტროს სისტემაში შემავალი უწყებების ხელმძღვანელი პირები, დონორი და საერთაშორისო ორგანიზაციებისა და საქართველოს მეფუტკრეთა კავშირის წარმომადგენლები ესწრებოდნენ.

19 ივლისი, 2016 წელი

2016 წელს, პროფესიული კოლეჯის ,,ფერმერთა სკოლის“ მეფუტკრის სასერთიფიკატო პროგრამის კურსდამთავრებულმა (20-25 ბენეფიციარმა), საქართველოს საპატრიარქოს ფინანსური თანადგომით, შეისწავლა ფუტკრის მოშენება-მოვლისა და თაფლის წარმოების თანამედროვე მეთოდები; თეორიული კურსის მიხედვით გაეცნო მარკეტინგისა და მენეჯმენტის საფუძვლებსაც, რაც ხელს შეუწყობს მათი ბიზნეს-უნარების ჩამოყალიბებას და მომავალში დაეხმარება მათ საკუთარი პროდუქცის წარმოება-რეალიზაციაში. ასევე, სწავლის პერიოდში ეწყობოდა სასწავლო ექსკურსიები დემო-ფერმებში.