პროფესიული კოლეჯი ფერმერთა სკოლა, საქართველოს ფერმერთა ასოციაციის პროექტის, – „მდგრადი და მწვანე ბიზნესპრაქტიკების განვითარება საქართველოში“ – ფარგლებში, ემზადება პროფესიული მომზადების პროგრამის, – „სასოფლო-სამეურნეო ნარჩენების მართვა“ – განხორციელების უფლების მოსაპოვებლად.
ამ მიზნით, 9 ნოემბერს, ფერმერთა სკოლას ევროკავშირის, საქართველოს ფერმერთა ასოციაციისა და საერთაშორისო არასამთავრობო ორგანიზაციის World Vision-ის წარმომადგენლები ეწვივნენ.
ვიზიტის ფარგლებში სტუმრები გაეცნენ კოლეჯის ინფრასტრუქტურას, სასწავლო გარემოს, საქმიანობის მიმართულებებსა და არსებულ შესაძლებლობებს. საუბარი შეეხო, როგორც პროგრამის განხორციელებისთვის საჭირო მატერიალურ-ტექნიკურ ბაზას, ისე სამომავლო გეგმებსა და თანამშრომლობის პერსპექტივებს.
შეხვედრამ თბილ და პოზიტიურ გარემოში ჩაიარა. სტუმრებმა დადებითად შეაფასეს კოლეჯის რესურსები და მზაობა გამოთქვეს სამომავლო პარტნიორობისა და ერთობლივი პროექტების განხორციელებისთვის.
პროექტი „მდგრადი და მწვანე ბიზნესპრაქტიკების განვითარება საქართველოში“ დაფინანსებულია ევროკავშირისა და ავსტრიის განვითარების თანამშრომლობის მიერ და ხორციელდება World Vision ავსტრიის, World Vision საქართველოს, საქართველოს ფერმერთა ასოციაციისა და საქართველოს ენერგოეფექტურობის ცენტრის ერთობლივი ძალისხმევით.
