school

2017 წლის 27 ოქტომბერს, პრეზიდენტის სასახლეში გამართულ ღონისძიებაზე საქართველოს პრეზიდენტმა გიორგი მარგველაშვილმა ფერმერებს უმასპინძლა და მათ საქმიანობასთან დაკავშირებული პრობლემები მოისმინა. მიწვეულ სტუმრებს შორის პროფესიული კოლეჯის ,,ფერმერთა სკოლის“ კურსდამთავრებული კახი მშვიდობაძეც იყო. უნდა აღინიშნოს ის ფაქტი, რომ კახი ერთ-ერთია იმ სამ მცირეწლოვან ფერმერს შორის, რომელთა მიმართ ინტერესი და გულთბილი დამოკიდებულება პრეზიდენტმა განსაკუთრებით გამოხატა.   ღონისძიების დასარულს, […]

2017 წლის 23, 24 და 25 ოქტომბერს, ფერმერთა სკოლის სართიჭალის ფილიალში, მცირე და საშუალო მეწარმეობის განვითარების სააგენტო სმედას წარმომადგენელმა ირინა მეკერიშვილმა ჩაატარა ტრენინგი თემაზე: ფერმის მართვა და მარკეტინგი. სამი დღის განმავლობაში განხილული იქნა შემდეგი საკითხები: ბიზნეს დაგეგმარების მნიშვნელობა, ბიზნეს გეგმის სტრუქტურა; პოტენციური ბაზრის განმარტება, ბაზრის მახასიათებლები, მომხმარებელთა კლასიფიკაცია, ბაზარზე არსებული სერვისების ტიპები, მომხმარებელთა საჭიროებების იდენტიფიცირება, […]

2017 წლის 10 ოქტომბერს, ,,ფერმერთა სკოლის“ სართიჭალის ფილიალში, საქართველოს აგრარული უნივერსიტეტის ასისტენტ-პროფესორმა, ბიოლოგიურ მეურნეობათა ასოციაცია ,,ელკანას“ კონსულტანტმა ნუკრი მემარნიშვილმა ჩაატარა ლექცია ორგანული მიწათმოქმედების შესახებ. თემატიკა მოიცავდა შემდეგ საკითხებს: რა არის ბიოწარმოება; ბიოწარმოების ძირითადი პრინციპები და ამოცანები; მცენარეთა დაცვის ბიოლოგიური მეთოდები მებოსტნეობაში, შერეული ნათესები; მცენარეთა დაცვის მეთოდები; მავნებლები, მათი რაოდენობის რეგულირების მეთოდები და საშუალებები ბიომეურნეობაში; სოკოვანი […]

2017 წლის 23 სექტემბერს, ფერმერთა სკოლის „მეხილეს“ სპეციალობის სტუდენტებმა სოფლის მეურნეობის სამეცნიერო-კვლევით ცენტრის  ჯიღაურას კვლევითი ბაზა მოინახულეს (მცხეთის მუნიციპალიტეტი, საგურამო), სადაც  სასოფლო-სამეურნეო საცდელ-სადემონსტრაციო ნაკვეთებია განთავსებული. მათ დაათვალიერეს: 450-მდე ქართული და 350 უცხოური ვაზის ჯიშის საკოლექციო ნარგაობა; ხეხილის ბაღები, მათ შორის 300-ზე მეტი თესლოვანი, კურკოვანი, კაკლოვანი და კენკროვანი კულტურების სადედეები. გარდა ამისა, აღნიშნულ ბაზაზე განთავსებულია სატყეო […]

2017 წლის 21 ივლისს, ,,ფერმერთა სკოლის“ სართიჭალის ფილიალის სტუდენტები, სოფლის მეურნეობის სამინისტროს სამეცნიერო-კვლევითი ცენტრის, ერთწლოვანი კულტურების საკვლევ- სადემონსტრაციო წილკნის ბაზაზე იმყოფებოდნენ. სტუდენტები გაეცნენ ვირუსოლოგიის და ქსოვილის კულტურის (in vitro) ლაბორატორიის მუშაობას, დაათვალიერეს ბიო ნაკვეთები, სადაც საშემოდგომო და საგაზაფხულო მარცვლეული კულტურების, ბოსტნეულ-ბაღჩეულისა და ასევე სხვადასხვა ჰიბრიდული ჯიშების წარმოება/გამოცდა მიმდინარეობს.  

2017 წლის 29 მაისიდან 9 ივნისის  ჩათვლით, ქალაქ  რუსთავში, ნინოწმინდის  პროფესიულ  კოლეჯ „ფერმერთა სკოლის“ და სართიჭალის  ფილიალის  სტუდენტებმა  გაიარეს  ტრენინგი თემაზე: „სასათბურე  ბოსტნეულის წარმოება“, რომელიც ჩინურმა კომპანია „ჰუნანმა“ და სოფლის მეურნეობის სამინისტროს სამეცნიერო-კვლევითმა ცენტრმა ჩაატარა. სასწავლო კურსის მიზანი იყო  ფერმერებისთვის,  აგრარული  მიმართულების  სტუდენტებისთვის  და სხვა დაინტერესებული პირებისთვის ბოსტნეული კულტურების მოვლა-მოყვანის თანამედროვე  ტექნოლოგიების, მზის სათბურების  მშენებლობისა და მისი მართვის საკითხების სწავლება . პროგრამის ფარგლებში სტუდენტები გაეცნენ სიახლეებს, როგორც თეორიული,ასევე პრაქტიკული მიმართულებით, რაც მომავალში მათ დაეხმარებათ სასათბურე პირობებში მაღალი ხარისხის და კონკურენტუნარიანი პროდუქტის წარმოებაში.

2017 წლის 27 მაისს, პროფესიული კოლეჯ „ფერმერთა სკოლის“ ნინოწმინდისა და სართიჭალის  ფილიალის მებოსტნის სპეციალობის სტუდენტებს ჰქონდათ სასწავლო გასვლა  სოფელ  შულავერში (მარნეულის მუნიციპალიტეტი), სადაც ჩინური კომპანიის „ჰუნანის“მიერ სოფლის მეურნეობის კვლევითი  ცენტრის  კუთვნილ ხუთ ჰექტრამდე მიწის  ფართობზემზის ერთსივრციანი  სათბურები  დაათვალიერეს. ასევე გაეცნენ  მეცნიერთა კვლევების  მიმდინარეობას ბოსტნის   კულტურებზე და მათი მოვლა-მოყვანის თანამედროვე ტექნოლოგიებს.

2017 წლის25 მაისს, პროფესიულ კოლეჯ,,ფერმერთა  სკოლის“ სართიჭალის ფილიალის სტუდენტებისთვის ორგანიზაცია ,,გარემო  და  განვითარების“  წარმომადგენელმა, ბატონმა ნოდარ თხელიძემ ” ჩაატარა  ტრენინიგი  თემაზე : „კატასტროფების  რისკის  შემცირება  და მართვა“ . მან ვრცლად ისაუბრა ბუნებრივი კატასტროფების რისკების  შეფასების  ძირითად  კონცეფციებზე, კლიმატის ცვლილებებზე, ბუნებრივ  საფრთხეებსა  და  საადაპტაცი   ოღონისძიებებზე.